主页 > C猜生活 >5位数字起!海外直升机求婚指南 Travel佳 >
5位数字起!海外直升机求婚指南 Travel佳
近排喺网上闹得热哄哄嘅话题,一定唔可以唔提先喺冰岛影pre-wedding,再豪掷40万喺酒店用直升机求婚嘅嗰对情侣,Travel佳唔理佢係真广告定真人骚,只係知道广大收入5位数嘅上班一族,唔少人都渴望可以经历如此梦幻求婚又想悭番啲钱做首期。纵横咁多地方嘅我,点可以唔醒几个平民版嘅直升机求婚指南俾大家呢?飞埋去第二个国家玩埋加求婚,计落都仲係5位数字内,係咪好心动先?

选择一 新西兰无人雪山顶

讲到浪漫,Travel佳永远无法忘记喺新西兰Queenstown嘅一趟直升机之旅,当年Travel佳一支公参加电影《魔戒》拍摄森林场地嘅Milfound Sound观景直升机之旅,2个小时嘅旅程,沿住大片无人嘅森林树冠顶高速飞行,直到一座高山瀑布突然放慢速度,缓缓在瀑布旁上升,睇住瀑布变升冰湖再变成大片嘅冰川,最后直升机再降落喺2,000几米高、无人踏足过嘅雪山顶上,实在毕生难望。虽则山顶寒风凛凛,啲粉雪有成米深,令人举步为艰,但喺呢个你肯定唔会再嚟第二次嘅地方,喺唯一可以带你嚟同带你走嘅直升机师作证下求婚,相信都肯定葡萄死朋友同同事啦!最重要係,两个人嘅直升机之旅,计落都唔驶10,000港纸,係咪好吸引先?

5位数字起!海外直升机求婚指南  Travel佳

5位数字起!海外直升机求婚指南  Travel佳

Glacier Southern Lakes Helicopters

收费:NZD810/HK$4,106

网址

选择二 尼泊尔世界屋脊下

明嘅!Travel佳都知有啲朋友仔觉得飞去新西兰条数和味咗啲,近近地其实尼泊尔一样可以做到相同效果,仲可以体验埋真实版嘅「高海拔之恋」添!喺该国首都加德满都有唔少营办商都有安排直飞5,500米珠峰大本营嘅直升机之旅,当中除咗可以近距离观察森林、冰川同喜玛拉雅山脉连串雪山,仲可以喺8,848米嘅珠峰下求婚。不过,唯一缺点就係现场空气实在稀薄,就算几兴奋都唔好太hyper呀!

5位数字起!海外直升机求婚指南  Travel佳

Helicopter Tour to Everest Base Camp

收费:US$3,850/HK$30,030

网址

选择三 婓济降落无人小岛

「好老套啫!」Travel佳明嘅!但喺珊瑚小岛上砌上「Will you marry me?」并降落其中,又的确可以冧到唔少女士。想平平地,Travel佳就推介啱啱去完嘅南太平洋岛国婓济,贪直飞当地机票几千蚊搞掂,而当地唔少直升机公司都有提供tailor-made嘅求婚套餐,价钱最平又4位数字起,喺ocean villa嘅resort入面突然一架直升机出现,载你同另一半出发去海中小岛……拍戏般嘅情节,要做到一啲到唔难喎!

5位数字起!海外直升机求婚指南  Travel佳

Heli-Tours Fiji

收费:FJD250/HK$904起(视乎旅程而定)

网址

选择四 夜之东京铁塔旁

唔少人始终对大城市有情意结,而东京就係唔少港人至爱,东京铁塔好多人都去过,又有冇谂过夜幕低垂,当直升机飞过时向另一半表白呢?其实,要喺东京夜空中飞行,价钱一啲都唔贵,港纸千几蚊就有交易,都不失为一个另类空中求婚嘅好选择。

5位数字起!海外直升机求婚指南  Travel佳

エクセル航空

收费:¥23,700/HK$1,541

网址

上一篇: 下一篇:
相似文章